SSS Team, SSSPORTS.COM
يا هلا بالشتاء ونسماته الباردة الجميلة اللي طال انتظارها. انسى قعدة البيت من اليوم وابدأ مغامرتك!
محتار وش تسوي وكيف تقضي وقتك في الهواء الطلق؟ والله إنك محظوظ لأنك دخلت على هذه التدوينة.
اسمحلنا نقترح عليك رياضة الجري، خصوصًا في أماكن خارجية مفتوحة لتستمتع بالهواء المنعش والمناظر الخلابة حتى ما يصيبك الملل. الركض مو بس للرياضة، بل لتصفية الذهن وتقليل التوتر وتحسين الحالة المزاجية بشكل عام. عشان كذا صار الجري أكثر الرياضات شعبية على مستوى المجتمع الرياضي.
الجري رياضة سهلة ومريحة، ما يبغاله شي معقد أو معدات، ونتائجه مرة حلوة وسريعة. ومثل ما قلنالك من قبل، الجري مو بس رياضة، الجري أسلوب حياة!
ليش نجري؟
مثله مثل أي تمرين آخر، الجري يحرق السعرات وينقص الوزن الزائد، ويقوي المناعة، ويحسن المزاج. بس على عكس معظم الرياضات الأخرى، الجري يحرّك كل عضلة من عضلات الجسم تقريبًا في نفس الوقت، فتأثيره على الجسم يكون أقوى، ونتائجه سريعة وفعّالة.
الجري هو أكثر الرياضات فعالية لخسارة الوزن ويحافظ على صحة القلب والأوعية الدموية. وأكيد إن اللي يمارس الركض باستمرار عنده قدر كبير من الرشاقة واللياقة حتى لو كان عمره يتجاوز الخمسين.
هناك 3 أنواع من الجري: الهرولة والركض السريع وجري المسافات الطويلة. الهرولة تشبه تمارين التحمية أو التسخين، والركض السريع يكون لمسافات قصيرة لكن بسرعة عالية وجهد مضاعف. أما الماراثون أو جري المسافات الطويلة فهو اختبار للعقل أكثر من الجسم.
حاول تمزج بين الثلاثة حتى تصير رشيق كالغزال.
كيف نجري؟
أول شيء لازم تتأكد إن ما في أحد اتولد بطل، البطل فعلًا هو اللي ابتدا من الصفر.
لو افترضنا إنك الحين اتحمست لرياضة الجري، بس مب عارف كيف تبدأ أو تبغى شوية نصائح أو عندك أسئلة. مالك غير تستشير الشمس والرمال للرياضة وحنقدملك النصيحة.
1. الخطوة الأولى، الإرادة ثم الإرادة ثم العزيمة القوية للاستمرار وتحقيق النتائج، مثله مثل أي تمرين آخر.
2. اركض لمدة 20 دقيقة على الأقل كل يوم. لو كنت لسه مبتدئ، ابدأ بالهرولة أو الركض الخفيف البطيء.
3. غيّر من إيقاع وطريقة جريك من فترة للثانية، يعني مثلًا زيد سرعتك وبطأها كل 5 دقائق من وقت التمرين. ولو كان هدفك السرعة، زيد مدة سرعتك القصوى خلال الجري، بس بالتدريج حتى لا تخسر كل طاقتك بسرعة.
4. اتنفس! لا تنسى إن عضلاتك محتاجة لكل ذرة أكسجين لتحرق الدهون، وكمان عدم انتظام تنفسك يسبب لك الشعور بالتعب والإرهاق بسرعة. جربت تمارين التنفس من قبل؟
5. وأخيرًا، الإرادة مرة ثانية! لا توقف، لا تستسلم أبدًا، مهما اتمكّن منك الكسل أو الإحباط، قاوم ولا تقبل بأقل من تحقيق هدفك.
وابقى اشكرنا بعدين 😉
وين نجري؟
ما بقى غير إنك تعرف وين تجري، لأنه ما بيصير تظلك تركض في الجيم وتترك هذا الجو الحلو، احنا معك، نعرف إن الجيم أوقات بيكون مرررة ممل. خلينا نبتدي بأفضل أماكن الجري في الإمارات، وتحديدًا إمارة دبي:
7 كيلومترات من الشمس والرمال الساحرة، مسار الجري يبتدي من فندق جميرا بيتش وينتهي عند شاطئ (سنسيت). خلّ نسمات البحر تتخلل خلايا جسمك وأنت بتجري. ونصيحة منا، الجري ما يحلى غير مع الصحبة، لا تنس تدعوهم وياك.
مين يحب اللون الأخضر؟ ما في أجمل من الجري وسط الشجر الأخضر والنخيل في حديقة الاتحاد، منظر خلّاب وهواء نقي. إياك تنشغل بالسيلفي والإنستقرام وتنسى إنك جاي تجري وتتريّض بالأساس!
بعيدًا عن صخب المدينة! أهم ما يميز مسار الجري في شاطئ الممزر هو الهدوء والراحة النفسية، الكثيرين من الرياضيين وغير الرياضيين بيفضلوه على أماكن ثانية كثير.
والحين نقولك أفضل أماكن الجري في السعودية، وتحديدًا في جدة:
أكيد الجري على البحر له متعة غير، يخفف التوتر ويصفي الذهن. هذا المكان هو واحد من أشهر الأماكن في مدينة جدة للمشي والركض. وإذا كان التصوير من هواياتك، فتأكد إنك راح تلتقط صور وفيديوهات ولا أحلى وأنت بتمارس الرياضة لتشاركها على الإنستقرام والسناب شات. حتجيب أحلى لايكات!
الرياضيين الثقال وحوش التمرين، وش رأيكم بعد الجري نتمرن شوي بالأجهزة والمعدات التدريبية الموجودة على الطريق؟ وكأنه جيم مفتوح في الهواء الطلق مجانًا. الممشى مكانه في وسط مدينة جدة، يلّا منتظرينكم هناك، لا تتأخروا!
من أفضل المناطق في جدة للتمشية والجري، خصوصًا لعشاق الجري بالليل. مثل ما قلنالك قبل، أهم شيء إنك تستمتع بالرياضة وما تمل منها، ومب حتلاقي مكان مثل هذا الممشى لتتريّض على كيف كيفك.
خلص كلامنا بس نصايحنا لك ما راح تخلص أبدًا. الحين جهّز عدتك ويلّا نجري!
بس.. وين نجري؟
وسط نبض ملعب كرة السلة، تجسد الأحذية المبتلة والمتآكلة للاعب رحلة من العرق والنضال والنصر…